Hello! kumusta kaw?
Yaken i Jehu Pedigan Cayaon, 45 idad ko daw may sawa. Grace ngaran an ta ake sawa. Appat buok ake na mga bata. Isya a na Kagayanen na natao daw gabakod naan ta Lipot North, Cagayancillo, Palawan, Philippines. Yaken i anduni gaubra duma ta mga ittaw na naan ta Kagayanen Translation Project. Katapos a ta ake na College naan ta Iloilo City. Kaiskwila a man naan ta AMA daw TESDA parti ta computer. Natapos ko training naan ta Website Builder System version 3.2 daw nakapasa bilang Web Content Keeper naan ta SIL training center, naan ta Metro Manila. Mga ittaw ya na gatraining ki kami mga ittaw na alin ta United States of America. Baked gid ame na pasalamat ta mga gatudlo ya ki kami. Danen ya mabeet daw sagad gid magtudlo.
Alin ta 2001 yaken i aktibo na gatabang daw galabet naan ta mga aktibidad na iya ta mga Kagayanen paryo ta pagsalyo ta Kagayanen na Biblia, radyo na prugrama ta Tambuli ta Mga Kagayanen, cultural band na Tatos Ta Mga Kagayanen, pagtudlo parti ta pagsulat daw pagbasa ta ambal na Kagayanen na gailing naan ta lain-lain na mga lugar ta mga Kagayanen. Aktibo a man daw galabet naan ta duma na ambal na naan ta Palawan i na paryo ta proyikto na: One Storying ta Batak daw Old Testament Cuyonon Bible Translation.
Yaken i a Jehu Belleza Cayaon Jr., 20 idad ko. Ula pa sawa daw gaiskwila pa ta kurso na Petroleum Engineering, 4th year naan ta Palawan State University. Katapos a man naan ta TESDA parti ta Computer Hardware Servicing NCII. Natapos ko man training naan ta Website Builder System version 3.2 daw nakapasa bilang Web Content Keeper naan ta SIL training center, naan ta Metro Manila na mga gatudlo ya alin ta United States of America.
